Spektakel në ”Parc des Princes”, PSG fiton me përmbysje ndaj Manchester Cityt

---

Një ndeshje spektakolare është zhvilluar në ”Parc des Princes”.

PSG ka arritur të fitoj derbin ndaj Manchester Cityt, duke përmbysur rezultatin nga 0-2 në 4-2, shkruan IndeksOnline.

Pjesa e parë u mbyll pa gola, por në pjesën e dytë u shënuan plot gjashtë gola.

Manchester City krijoi epërsi të dyfishtë brenda tre minutave.

Jack Grealish shënoi golin e parë në minutën e 50-të, ndërsa pas tre minutave shënoi edhe Erling Haaland.

Por PSG nuk u dorëzua dhe arriti të riktheht shumë shpejtë, duke shënuar katër gola.

Ousmane Dembele ngushtoi rezultatin në minutën e 56-të, ndërsa pas katër minutave Bradley Barcola barazoi shifra.

PSG nuk u ndal me kaq dhe Joao Neves i dha epërsinë skuadrës frnaceze në minutën e 78-të.

Fitoren e parisieneve e vulosi Goncalo Ramos, në 90+4.

PSG me këtë fitore shkon në kuotën e 10 pikë duke u renditur në vendin e 22-të në tabelë dhe është afër kalimit në 1/16 e finales.

Ndërkohë kjo humbje Manchester Cityt mund ti kushtoj me eliminim nga Liga e Kampionëve, pasi ka vetëm 8 pikë dhe renditet e në vendin e 25-të.

Ndeshja e radhës ndaj Club Brugge do të jetë vendimtare për cityzens.

---